Оңтүстік Корея зауытынан шетелдіктердің 20-дан астам мәйіті табылды

Өрт сөндірушілер мен полиция Оңтүстік Кореядағы аккумулятор зауытынан 20-дан астам мәйіт тапты, олардың арасында шетелдіктер де болуы мүмкін.

Бұл турлы Yonhap ақпарат агенттігі хабарлайды.

Агенттіктің хабарлауынша, дүйсенбі күні жергілікті уақыт бойынша сағат 10.31-де Оңтүстік Корея астанасынан оңтүстік-батысқа қарай 50 шақырым жерде орналасқан Хвасон қаласындағы ARICELL өндірістік алаңында өрт шыққан. Өрт шыққан зауыттың үшінші корпусында 35 мыңнан астам дайын литий батареялары сақталған. Өрт 4,5 сағаттан кейін ғана сөндірілді, содан кейін құтқарушылар іздеу жұмыстарын бастап, оқиға орнынан 20-дан астам мәйіт тапты.

Зардап шеккендерді іздеу жалғасуда.

Бұған дейін өрт сөндіру қызметі ARICELL зауытында өрт шыққаны туралы хабардан кейін осы кәсіпорынның 23 қызметкері қоңырауларға жауап беруді тоқтатқанын хабарлаған. Олардың ішінде 20 шетелдік және екі Оңтүстік Корея азаматы бар. Оның үстіне ұялы телефондарынан соңғы  сигналдар зауыт маңындағы аумақтан келген.

Биліктің мәліметінше, үшінші ғимараттың бірінші қабатындағы жұмысшылардың барлығы эвакуацияланған, ал екінші қабаттағылардың көпшілігі қашып шыға алмаған. Сондықтан өрт кезінде байланысу мүмкін болмаған 23 адам екінші қабатта болған деген болжам бар.
Өрт болған ғимаратта барлығы 67 адам жұмыс істеген.