Оңтүстік Корея президентіне елден кетуге тыйым салынды

Оңтүстік Корея президентіне елден кетуге тыйым салынды. Yonhap ақпараттық агенттігінің мәліметіне қарасақ, мұндай шешімді Оңтүстік Кореяның әділет министрлігі қабылдаған. Оған жоғары лауазымды адамдар арасындағы сыбайлас жемқорлықты тергеу басқармасының басшысы жүгінген, деп хабарлайды Orda.kz.

Оңтүстік Корея президенті Юн Сок Ель «мемлекетке опасыздық жасады» және «билікті асыра пайдаланды» деп айыпталып жатыр.

Оңтүстік Корея парламенті 7 желтоқсанда президентке импичмент жариялау мәселесін көтерді, бірақ биліктегі «Халық күші» партиясының депутаттары дауыс беруге бойкот жариялауына байланысты импичмент бойынша құжат қабылданбады.

Еске сала кетсек, Оңтүстік Кореяда төтенше жағдай енгізілетіні 3 желтоқсан түнде хабарланды. Президентті құлатуға ұмтылған партия жетекшілері жайлы және Оңтүстік Кореядағы саяси тұрақсыздықтың Қазақстанға әсері жайлы мына материалдан оқыңыздар.