Оңтүстік Корея президенті Юн Сок Ёльдің құрықталуы кейінге қалды

3 қаңтар күні Оңтүстік Кореяда ел президенті Юн Сок Ёльді қамауға алу әрекеті ушығып, оның резиденциясының маңында үлкен қарсылыққа ұласты, деп хабарлайды Orda.kz.

Оны мемлекеттік төңкеріс жасауға әрекет жасағаны үшін айыптап, құрықтау туралы шешім қабылданған болатын. Алайда, жағдай күрделенді, өйткені Юнның жүздеген қолдаушылары оның үйіне жетуге тырысқан құқық қорғаушылардың жолын кесті.

Антикоррупциялық агенттіктің (CIO) қызметкерлері Сеулдегі резиденцияға келгенде, оларға кіруге президенттің қауіпсіздік қызметі қарсы шықты, алаңның ерекше қорғалатын аумақ екендігін алға тартып, бұйрықтың орындалуына кедергі келтірді. Оқиғаға куә болған адамдардың айтуынша, полицейлер мен Юнның жақтастары арасында бірнеше сағатқа созылған қақтығыс болды. Нәтижесінде тұтқындау ордері іске аспады.

CIO өкілдері «біздің қауіпсіздікті қамтамасыз ету үшін және мықты қарсылық болғандықтан, тұтқындауды жүзеге асыру мүмкін болмады, сондықтан ордерді орындауды уақытша тоқтаттық», деп мәлімдеді. Юнның жақтастары ордерді «заңсыз» деп атады және оның күшін жоюды талап етті. Ал полиция, жалпы саны 2700 қызметкермен тәртіп орнатуға тырысқанымен, ешқандай тұтқындау әрекеті жүзеге аспады.

Тұтқындау ордері 8 қаңтарға дейін жарамды болып қалды. Бұл уақыт ішінде тергеушілер қайтадан әрекет етіп, жағдайды бақылауға алуды жоспарлап отыр, себебі наразылықтар күшеюі мүмкін.

Юн Сок Ёль өзінің мемлекеттік төңкеріс жасағаны жөніндегі айыптауларды жоққа шығарып, бұл әрекеттерді саяси қудалау деп атады. Оның қорғаушылары ордерді «заңсыз» деп санап, CIO-ға қарсы сотқа арыз берген.