Оңтүстік Корея елдегі орман өртін – ұлттық апат деп жариялады

Елдің оңтүстік-шығыс бөлігін өрт шарпып, Оңтүстік Корея халқын әбден әбігерге салды, деп хабарлайды Orda.kz.

Кёнсан провинциясының Санчо округі Сеулден оңтүстік-шығысқа қарай 250 шақырымдай жерде орналасқан. Сол жерде жұма күні басталған өрт қазір басқа аймақтарға тарап кеткен.

Бүгінге дейін төрт адам қаза тауып, 10 адам жараланды, оның бесеуі ауыр жарақат алды. Бір жарым мыңға жуық адам қауіпті жерлерден уақытша баспаналарға көшірілді. Үкімет елдің оңтүстік-шығыс бөлігінде ұлттық апат режимі енгізілгенін хабарлады.

«Ауа райының құрғақ болуына байланысты орман өрттері үлкен аумақтарға тез таралып, адамдардың өміріне қауіп төндіруде. Өрт салдарынан өрт сөндіру қызметінің төрт қызметкері қаза тапты», - деді Төтенше жағдайларды басқару орталығы басшысының орынбасары Ли Хан Кен.

Ол өрт сөндірушілерге өртті тез арада ауыздықтау үшін барлық мүмкіндіктерді қолдану тапсырылды. Өртті сөндіруге 30-ға жуық тікұшақ тартылған.

Табиғат апатынан зардап шеккен аймақтарда пойыз қозғалысы уақытша тоқтатылып, жоғары жылдамдықты тас жолдар жұмыс істемейді. Барлығы 3286,11 гектар жер өртенді, бұл шамамен 4600 футбол алаңына тең.

Оңтүстік Кореяда танымал ұлттық саябақтар, көрнекті орындар мен храмдар маңындағы орындар да өртеніп жатыр. Осыған байланысты көптеген туроператорлар туристерге жағдайды бақылап, өрт ошақтарына жақын аймақтарға бармауды ұсынуда.