Оңтүстік Корея әскерилері Солтүстік Кореяға оқ жаудырды

Солтүстік Корея сарбаздары екі ел шекарасын қысқа уақытқа кесіп өткеннен кейін Оңтүстік Кореяның әскерилері ескерту оқтарын жаудырды.

Бұл туралы Yonhap Оңтүстік Корея қарулы күштерінің біріккен штабына сілтеме жасап хабарлайды.

Оқиға 9 маусым күні жергілікті уақыт бойынша сағат 12:30-да шекараның орталық учаскесіндегі демилитаризацияланған аймақта болды.

Солтүстік Кореяның бір топ әскері демаркация сызығын бұзып, оңтүстік кореялық әскерилерге дауыс зорайтқыш арқылы ескерту жасап, одан кейін ескерту оқтарын атуға итермеледі. Содан кейін солтүстік кореялық сарбаздар шекарадан өз жағына оралды. Оқиғадан кейін басқа ерекше белсенділік байқалмағаны хабарланды.