Онлайн сот процесінде экранға джунгли суретін іліп қойған

Қостанай облысы, Жітіқара қаласының полиция қызметкерлері онлайн-сот процесі кезінде сот төрелігіне кедергі жасау туралы қылмыстық істі тергеп жатыр, деп хабарлайды ORDA Informburo.kz-ке сілтеме жасап.

Процесс 29 қаңтарда Қара Бүркіт колониясының бұрынғы бастығы Арман Әбілевке үкім шыққаннан кейін басталды. Skype бағдарламасы арқылы онлайн режимінде өткен сот процесінде белгісіз адамдар судья Лариса Карчинская мен жәбірленушіге джунглидің суретін қойды.

- Қылмыстық іс 2 ақпанда Қазақстан Республикасы Қылмыстық кодексінің 407-бабы, 1-бөлігі «Сот төрелігін жүзеге асыруға және сотқа дейінгі тергеп-тексеруге кедергі жасау» қылмыстық құқық бұзушылық белгілері бойынша тіркелді. Себеп белгісіз тұлғаның заңсыз әрекеттері болды. Skype-тағы бейне қоңыраулар фондық экранына джунгли суретін іліп қойған. Соған байланысты үкімнің жариялануы тоқтатылды, - деп хабарлады полиция Informburo.kz-ке.

Оқиғаның барлық мән-жайлары анықталды, тергеу мүдделері үшін басқа ақпарат жария етілмейді.

Судьяны джунгли фонында көрсеткен қаскүнемнің жағдайы не болады. Егер судьяның жұмысына кедергі келтірген адам табылса, оған 2000 АЕК (5,8 млн. теңге) дейін айыппұл немесе түзеу, қоғамдық жұмыстар, ал ең ауыр жағдайда - шектеу немесе екі жылға дейін бас бостандығынан айыру жазасы тағайындылады.