Онлайн-несиелерді шектеу: Қазақстан азаматтары үкіметке талап қойды

«Хақ-Назар» қоғамдық қорының қызметкерлері мен әлеуметтік белсенділер онлайн-кредиттердің кері салдарына назар аударып, оларды реттеуді талап етті.

Бұл туралы Orda.kz хабарлады.

Петицияда онлайн-кредиттердің қолжетімділігі әлеуметтік және экономикалық қиындықтардың өршуіне әкеп соғатыны айтылды. Бұл әлеуметтік теңсіздікті көбейтеді. Сонымен қатар, жоғары пайыздық мөлшерлемелер мен ашық емес шарттар адамдарды қарызға буып тастайды.

Петиция авторларының пікірінше, онлайн-кредиттер сондай-ақ алаяқтық, ұрлық және бопсалау сияқты қылмыстардың өсуіне әкеліп отыр. Олар өздерінің мәлімдемесінде онлайн-кредиттерді алу жеңілдігі мен тәуекелдерінің арасындағы тепе-теңдіктің бұзылғанын атап өтті. Ерлердің әйелдеріне кредит рәсімдеуі және лудомандардың жалған уәде беруі, сондай-ақ әскери қызметтегі  адамдардың қаржылық қысым көріп жатқаны туралы мәліметтер де келтірілді.

Петиция авторлары үкіметті шұғыл түрде онлайн-кредиттерді шектеп, қаржылық қиындықтарды азайту үшін шаралар қабылдауға шақырды. Олар үкіметтің осы мәселеге назар аударып, азаматтардың құқықтары мен экономикалық тұрақтылығын қамтамасыз ету үшін қажетті қадам жасауы керек деп санайды.