Онкологиялық науқастарды емдеуге қосымша 25 млрд теңге бөлінеді

Елімізде онкологиялық науқастарды емдеуге қосымша 25 млрд теңге бөлінетін болды, деп хабарлайды Orda.kz.

Бұл туралы Мәжіліс депутаты Асхат Аймағамбетов айтты. Бюджет жобасында онкологияны емдеуге бөлінетін қаржыны 20 млрд теңгеге, ал онкогематологияға 5 млрд теңгеге қысқарту туралы ұсыныс болған.  Бірақ депутат бұл қысқартуға қатаң түрде қарсылық білдіріп, қосымша қаражат бөлу туралы түзету енгізгендерін айтты. 

Сонымен қатар Ұлттық онкология орталығындағы протондық терапия орталығы құрылысын аяқтауға 4,2 млрд теңге бөлу туралы ұсыныс қабылданған. Депутаттың айтуынша, Қазақстанда бұл орталық жыл сайын 300-ден астам науқасқа өмір сүруге мүмкіндік береді.