Оңтүстік Корея сарбазы Солтүстік Корея шекарасына оқ атты

КХДР шекарасына жақын жердегі  оқу-жаттығу кезінде оңтүстіккореялық сарбаздың оқ атқан оқиғасы белгілі болды.

Сеул Пхеньянға Солтүстік Корея шекарасында жаттығу кезінде оңтүстік кореялық сарбаз қателесіп оқ атты деп хабарлады. Автоматтан оқ ату әдейі жасалмаған, деп хабарлайды Yonhap агенттігі әскери ақпарат көздеріне сілтеме жасап.

Ведомствоның хабарлауынша, бақылау бекеттерінің бірінде әскери бөлімшенің жаттығуы кезінде пулеметтен төрт рет оқ атылған. Оқиға сенбі күні кешке Ганвон провинциясындағы қарусыздандырылған аймақта болған. Оқтардың барлығы әскери демаркациялық сызықтың (КХДР-мен нақты шекарасы) Оңтүстік Корея жағына тигені атап өтілді.

«Солтүстік Корея тарапынан ерекше әрекеттер байқалмады, оқиғаның нақты мән-жайы анықталуда»  деп келтіреді РИА бөлімшесінің өкілі.

Еске сала кетейік, 2020 жылдың мамыр айында Солтүстік Кореяның шамамен төрт оғы қарусыздандырылған аймақтың орталық бөлігіндегі оңтүстік кореялық заставаға тиіп, бұл оңтүстік кореялық әскерлерді жауап қайтаруға итермеледі. Бұл Оңтүстік және Солтүстік Корея арасындағы соңғы жылдардағы алғашқы қақтығыс болды.