Оңтүстік Корея президентінің енесі жалған банк құжатын жасағаны үшін ұсталды

Сотта Оңтүстік Корея президентінің енесі Чой Ын Сун өз кінәсін мойындамады және апелляциялық шағым қабылданбаған соң есінен танып қалды.

Шоттағы теңгерімге жалған банк құжатын жасағаны үшін Кореяның құқық қорғау органдары ел президентінің енесі Юн Сок Ёлді ұстады. Йонхап агенттігінің хабарлауынша, әйел бір жыл бұрын - бір жылға бас бостандығынан айырылған. Бірақ кейіннен 76 жастағы кейуана апелляциялық шағым түсіріп, қамауға алудан аман қалған. Ол бір жылға жуық өзінің кінәсіздігін дәлелдеуге тырысты. Бірақ соңғы сот ол күткен нәтиже бермеді. Сот ханымның шағымын қанағаттандырмады, ол жүйкесі сыр беріп, есінен танып қалды.

Әйел депозитке 34,7 миллиард вон (шамамен 27 миллион доллар) салғаны туралы жалған сертификат жасағаны үшін сотталды. Бұл сертификатты ол 2013 жылы Сеулдің оңтүстігіндегі Соннам қаласынан жер телімдерін сатып алу үшін пайдаланған. Апелляциялық сот мұны ауыр қылмыс деп тапты.

Агенттік Корея президентінің енесі бұған дейін де заң қайшылықтарына тап болғанын атап өтті. Ол 1,7 миллион долларға жуық федералды медициналық сақтандыру алаяқтық ісіне қатысқан. Ақша ол ашқан қарттар мекемесінен қажетті медициналық лицензиясыз кетіп отырған. Ол басында үш жылға бас бостандығынан айырылды, бірақ 2022 жылы Сеул соты оны кінәсіз деп тапқан болатын.