Қонаевтың атын астанаға берсе де аз - Қыдырәлі Болманов

Продюсер Қыдырәлі Болманов Қазақстан президенті Қасым-Жомарт Тоқаевтың бастамасына пікір білдірді.

Еске салсақ, кеше Қасым-Жомарт Тоқаев Алматы облысын екіге бөлуді ұсынған. Талдықорғанда Жетісу облысын құрып, Алматы облысының орталығын Қапшағай қаласы етіп, оны Дінмұхаммед Қонаевтың есімімен атауға бастама көтерген. Көпшілік президенттің бастамасын қолдады.

«Шынын айтсақ, астанаға Дінмұхаммед Қонаев атамыздың атын берсе де аз. Ол кісінің атымен әр қаланың басты көшелерін атау қажет!
Ең мықты білім орталықтарын, университеттердің атын Қонаевтың атымен байланыстырған дұрыс болар еді. 

Өйткені, бұл ұрпақ тәрбиесінде өте маңызды. Жастар да, балалар да сол кісіге қарап бой түзеуі қажет.

Дінмұхаммед Қонаев - адалдықтың, мемлекетін, ұлтын сүюдің, елін жанашырлықпен, әділдікпен басқарудың үлкен үлгісі! Яғни символы. Бұл туралы тоқтаусыз айтуға болады» деп жазды Болманов өзінің парақшасында.