«Оң аяғын кесіп тастады»: Семейде 23 жастағы жігітті пойыз қағып кетті

23 жастағы Семей тұрғыны жолаушылар пойызының астына түсіп, аяғынан айырылды, деп хабарлайды Orda.kz. 

Полицияның мәліметінше, Семейде 23 жастағы құлаққап киген жігіт жабық теміржол өткелін байқамаған. Жүйіткіп келе жатқан пойыз жігітті қағып кеткен. Сол мезетте жігіттің аяғы темір доңағалақтың астында қалып қойған.

Оқиға сенбі, 18 қазан күні қала орталығында, базардың жанында болған. Жәбірленуші ауруханаға жеткізіліп, дереу ота жасалды. Жігіттің оң аяғын кесіп тастауға тура келген. Дәрігерлер оның жағдайын бір қалыпты деп бағалады. 

Айта кетейік, Алматы тауларында досымен төбелесіп жарақаттанған турист құтқарушыларды балағаттады.