«Өмір үшін бір ай күресті»: Ақтөбеде көлік қаққан 7 жастағы қыз қайтыс болды

Ақтөбеде жаяу жүргіншілер жолағында көлік қағып кеткен 7 жастағы қыз көз жұмды, деп хабарлайды Orda.kz. 

Қайғылы жағдай 25 қазанға қараған түні «Қоныс» спорт кешенінің жанында болған. Полицияның хабарлауынша, Chevrolet жүргізушісі қызды жаяу жүргіншілер жолағынан өтіп бара жатқанда қағып кеткен. Содан кейін көлік тағы үш көлікке соқтығысқан.

Оқушыны алдымен жақын жердегі ауруханаға алып барған. Кейін дәрігерлер ауыр жарақат алған қызды облыстық балалар ауруханасына жатқызды. Қыз жансақтау бөлімінде жасанды желдету аппаратымен дем алды. Өкінішке қарай, ол өмір үшін бір айға жуық уақыт күресіп, ақыры қайтыс болды.

Айта кетейік, Астанада ерлікпен қаза тапқан фельдшер Ұлдана Мырзауанның күйеуі, дәрігер Әділет Зейнел мәлімдеме жасап, тергеудің әділ өтуін талап етті.