Өмір бойына сотталған педофил жазаны жеңілдетуді сұрады

7 жастағы қызды зорлағаны үшін түрмеде отырған педофил өмір бойына бас бостандығынан айыру жазасын қысқартуды сұрады, деп хабарлайды Orda.kz.

Жоғарғы сот 7 жасар қызды зорлады деген айыппен өмір бойына бас бостандығынан айырылған ақтөбелік тұрғынның ісін қарады. Жоғарғы соттың хабарлауынша, 2025 жылдың 26 ​​наурызында Ақтөбе облыстық сотында сотталушыға қатысты үкім шығарылды.

«Судьялар алқасы іс материалдары мен тараптардың уәждерін зерделей келе, сотталған адамның мас кезінде күш қолданып, қорқытып, кәмелетке толмаған (2018 жылы туған) қыз балаға жыныстық сипаттағы әрекет жасағанын анықтады», деп жазды сот.  

Кассациялық қадағалау қорытындысы бойынша сот алқасы үкімді өзгеріссіз қалдырды. Сот оның жазасын қысқартудан бас тартты.

Қазақстан Республикасы бас прокуратурасының құқықтық статистика және арнайы есепке алу жөніндегі комитетінің деректеріне қарасақ, жыныстық зорлық-зомбылық көрсету қылмысы жыл сайын артып келеді. Назарларыңызға сол статистиканы ұсынамыз.