Омарова демократтардың толық қолдауынан айрылды

Бес демократ сенатор Сәуле Омарованың АҚШ қазынашылығының валюталық бақылау департаменті басшысы лауазымына кандидатурасына қарсы дауыс беруге ниетті екенін мәлімдеді.

Сенаторлар Джон Тестер, Марк Уорнер және Кирстен Синема Сенаттың банк комитетінің төрағасы Шерродқа Омарованың кандидатурасын қолдамайтындарын айтты. Оларға сенатор Джон Хикенлупер мен Марк Келли де қосылды.

Бұл оқиғадан кейін бес сенатордың кеңсесі түсініктеме беруден бас тартты.

Еске салсақ, 18 қарашада АҚШ Сенатында Сәуле Омарова өткен өмірін ақтап, тіпті коммунист емес екенін айтуға дейін барған.

Омарованы республикашылдар мен центристік демократтардың көпшілігі қолдамайды.

Омарованы АҚШ Сенаты мақұлдаса және Қазынашылық департаментінің тәуелсіз бюросы – Валюталық бақылау басқармасын басқарса, ол бұл лауазымға ие болған алғашқы ақ нәсілді әйел иммигрант болады.

16 қарашада америкалық бірнеше БАҚ АҚШ-тың қаржылық реттеушісі лауазымына үміткер этникалық қазақ Сәуле Омарованың 26 ​​жыл бұрын дүкеннен құны 214 доллар тұратын тауарды ұрлағаны туралы ақпарат таратқан.