Олжас Сүлейменов пен «Қазақстан халық конгресі» Түркияда зардап шеккендерге көмек жинай бастады

Белгілі қазақ ақыны және қоғам қайраткері Олжас Сүлейменов пен «Қазақстан халық конгресі» жалпыұлттық қозғалысы Түркияда зардап шеккендерге көмек жинауды бастады.

«Олжас Сүлейменов пен «Қазақстан халық конгресі» жалпыұлттық қозғалысы көмек жинайтынын жариялады: ақша, дәрі-дәрмек, матрацтар, көрпе, жылытқыштар, шатырлар, азық-түлік (жарма, консервілер және басқа да тез бұзылмайтын өнімдер) және басқа да қажетті заттар. «Халық конгресі» барлық қоғамдық және саяси қозғалыстарды, барлық қамқор азаматтарды бауырлас халыққа көмектесу жөніндегі осы акцияны қолдауға шақырады» делінген конгрестің мәлімдемесінде.

Конгресс жетекшісі Олжас Сүлейменов қозғалыс атынан және жеке өзінің атынан Түркия Республикасында болған алапат жер сілкінісі салдарынан қаза болғандардың туыстарына көңіл айтты.

«Адамдардың қазасы мен елге көп миллиондаған шығын адам ресурстары мен автоматика бақылауынан тыс табиғи апаттардың салдарынан болды. Біз Қазақстан Республикасы Президенті Қасым-Жомарт Кемелұлы Тоқаевтың Түркияның зардап шеккен аймақтарына, қалаларына және қиын жағдайда қалған ауыл тұрғындарына көмек көрсету туралы шешімін қолдаймыз. Жалпыұлттық «Халық конгресі» қозғалысы материалдық көмек, медициналық мақсаттағы бұйымдар, матрацтар, көрпелер мен ең қажетті заттар, жылытқыштар, шатырлар жинауды жариялайды. Халқымыз бауырлас түрік халқымен бірге» деді Сүлейменов.

Көмектесемін деушілер Алматы қаласы, Розыбақиев көшесі, 105а (Егізбаев көшесі жағынан) мекенжайы бойынша заттарды алып келе алады.