Олжас Сапарбеков индустрия және құрылыс вице-министрі болып тағайындалды

Үкімет қаулысымен Олжас Сапарбеков индустрия және құрылыс вице-министрі болып тағайындалды.

Бұл туралы министрлер кабинетінің баспасөз қызметі хабарлады.

Олжас Сапарбеков 44 жаста.

Ол жылдар бойы ҚТЖ, «Локомотив» АҚ, «Қазатомөнеркәсіп-Демеу» ЖШС құрылымында жұмыс істеді. «ИнтерТрансАгроГрупп» ресейлік-қазақстандық бірлескен кәсіпорны» ЖШС бас директорының бірінші орынбасары, басқарушы директоры, «Атамекен» Ұлттық кәсіпкерлер палатасының сарапшысы, басшының орынбасары болды. Қостанай облысы әкімдігінің кәсіпкерлік және индустриялық-инновациялық даму басқармасы, индустрия және инфрақұрылымдық даму министрлігі индустриялық даму комитеті төрағасының орынбасары қызметтерінде жұмыс істеді.

2023 жылдың қарашасынан бастап көлік министрлігінің темір жол және су көлігі комитетін басқарды.