Олжас Сүлейменов Нобель сыйлығына ұсынылды

Ақын және қоғам қайраткері Олжас Сүлейменов Нобель сыйлығына ұсынылды.

- 1989 жылдың 8 ақпанында КСРО-да алғашқы Халықаралық ядролық қаруға қарсы «Невада-Семей» қозғалысы қоғамдық бірлестігі құрылды, ол Қазақстан халқының атынан ядролық сынақтарды тоқтатуды және қазақ жеріндегі Семей ядролық полигонын жабуды талап етті. Қозғалыстың бастамашысы және көшбасшысы халық ақыны Олжас Омарұлы Сүлейменов болды. «Невада-Семей» ХАҚ-ның антиядролық қарусыздануға бағытталған бастамалары бүкіл әлемде кеңінен танымал! - делінген «Байтақ» халықтық экологиялық партиясының Қазақстан президенті Қасым-Жомарт Тоқаевқа жолдаған үндеуінде.

Идеяның бастамашылары атап өткендей, қазір әлем үшінші дүниежүзілік соғыс қатері мен ықтимал ядролық текетірестің алдында тұрған кезде, әлемдік қоғамдастыққа Қазақстанның бейбіт бастамалары туралы еске салатын кез келді.

- «Байтақ» халықтық экологиялық партиясы сізге Олжас Омарұлы Сүлейменовті Нобель сыйлығына ұсыну туралы бастама көтереді. Құрметті Қасым-Жомарт Кемелұлы, сізден біздің бастамамызға жан-жақты көмек көрсетіп, қолдау білдіруіңізді және Қазақстан Республикасы Сыртқы істер министрлігіне тиісті өкім беруді сұраймыз, - делінген үндеуде.