Қолына кісен салынған Боранбаевтың видеосы пайда болды
Алматыда қамауға алынған белгілі кәсіпкер, Дариға Назарбаеваның құдасы Қайрат Боранбаев Нұр-Сұлтанға жеткізілді.
Бейнекадрда құқық қорғау органдары қолына кісен салынған Қайрат Боранбаевты ұшақтан шығарып, шағын автобусқа отырғызды.
Еске салсақ, Қайрат Боранбаев Orda.kz тілшісінің камерасына түскен сәтте ұсталған болатын. Бұл туралы құқық қорғау органдарындағы дереккөз хабарлады.
Orda.kz тілшілері кеше Қайрат Боранбаевты Аюсай шатқалында суретке түсіріп алды. Ол біраз адамдармен бірге баяу жүріп келе жатты. Оның екі қолы артына қайырылған, бірақ кісенсіз. Журналистерді көрген ол қасындағылармен бірге тез ішке кіріп кетті.
Дәл сол уақытта шатқалда қоңыр аюларды жаңғырту жобасының тұсаукесері өтіп жатқан еді.
Orda.kz редакциясы табиғатты тамашалауға Боранбаев та келді деп шешті. Кешке қарай оның ұсталғаны белгілі болды. Алайда, аты-жөнін атамауды өтінген қаржы мониторингі агенттігінің қызметкері бізге McDonald's франшизасы иесінің Аюсай шатқалында вилласы бар екенін және сол сәтте онда тінту жұмыстары жүріп жатқанын айтты. Ал Orda.kz камерасына түскен кезде ол құқық қорғау органдары қызметкерлерімен виллаға іргелес аумақты айналып өтіп бара жатқан болып шықты. Осыдан кейін таудан түскен Боранбаевқа бірден ресми түрде айып тағылды.
Еске салсақ, 15 наурызда Боранбаевты Алматыда қаржы мониторингі агенттігінің орталық аппаратының қызметкерлері қамауға алды. 16 наурыз күні ол Алматыдан Нұр-Сұлтан қаласына жеткізілді.
«Боранбаев астанаға Қазақстанның құқық қорғау органдарына тағайындалған Як-42Д ұшағымен жақында ғана әкелінді» деді дереккөз.
Жаңалықтар
- БҚО-ның сегіз ауданы мен Оралда әлі де су деңгейінің көтерілуі мүмкін
- Автобус аялдамасына билборд құлап, үш адам зардап шекті.
- Үш облыс пен «Семей орманы» резерваты орман өртіне дайын емес
- Басты міндет – ел талабын орындау - Нартай Сәрсенғалиев
- Қазақстандықтардан жалған полицейлерге сенбеу сұралды
- Мемлекет басшысы Артур Ластаевты қабылдады
- ІІМ зорлық-зомбылық құрбандарын қылмыскерлерді кешіруге көндірмейтінін айтты
- Оңай табыс іздеген жастарымыз есірткі таратушыға айналып барады
- Қамауға алынған журналист Данияр Әділбеков әріптестеріне шықты
- Су тасқынынан зардап шеккен тұрғындарға апта соңына дейін өтемақы төленеді
- Астанада 8 сынып оқушысы мектептің 4-ші қабатынан секіріп кетті
- Су тасқынынан зардап шеккендер жатақханаға көшті
- Бишімбаев полицейлер келгенге дейін видео жазғызған
- Бишімбаевтың адам қаққаны жайлы Игорь Лепеха ештеңе дей алмады
- Алматыда мопед жүргізушісі екі әйелді қағып кетті
- Заңды тіркеусіз неке қиған имамдар жазаға тартылуы мүмкін
- Депутат су тасқыны кезінде жауапкершіліктен қашқандарды жазалау керектігін ұсынды
- Көлік жылдамдығын асырғандарға жаза күшейтіледі
- Тасқын салдарынан түрмедегі 700 адам эвакуацияланды
- Қазақстан мен Ресей ЖЭО салу туралы үкіметаралық келісімге қол қойды