Оливер Стоун Назарбаев туралы фильмін Римде көрсетеді

Италия астанасы Рим қаласында режиссер Оливер Стоун Нұрсұлтан Назарбаевпен сұхбатына негізделген фильмді таныстырады.

Бұл туралы Orda.kz хабарлайды.

«Бүгін Оливер Стоун Рим кинофестивалінде Елбасының сұхбатына негізделген «Qazaq. History of the Golden Man» фильмін таныстырады» деп жазды Қазақстан тұңғыш президентінің хатшысы Айдос Үкібай Twitter парақшасында.

Сегодня Оливер Стоун на Римском кинофестивале презентует фильм "Qazaq. History of The Golden Man", основанный на интервью с Елбасы pic.twitter.com/Pksc0IQHqX

— Aidos Ukibay (@Aidos_Ukibay) October 20, 2021

Естеріңізге сала кетейік, америкалық кинорежиссер, сценарист және продюсер, үш «Оскар» сыйлығының иегері Оливер Стоун «Qazaq. History of the Golden Man» жаңа фильмі үшін Нұрсұлтан Назарбаевтан сұхбат алған болатын. Фильмнің режиссері – украиналық және америкалық киноиндустрияның қайраткері Игорь Лопатенок, фильмнің музыкасын «Алтын глобустың» иегері композитор Карло Силиотто, ал «Астана Опера» симфониялық оркестрінің әртістері әнді орындады.

Оливер Стоун-американдық режиссер, сценарист және продюсер. Ол «Уолл-Стрит», «Каждое воскресенье», «Александр» және «Прирожденные убийцы» сияқты фильмдер түсірді. Сонымен қатар, «Лица со шрамом» сценарийін жазған.