Олимпиададан ақшалай жүлде алатын қазақ спортшылары анықталды

Бейжіңде өтіп жатқан Қысқы Олимпиада ойындарында жүлделердің алғашқы топтамасы ойнатылды.

Vesti.kz мәліметінше, күннің соңында Қазақстан спортшылары арасында алғашқы ақшалай жүлде иелері анықталды. Атап айтқанда, Абзал Әжғалиев, Денис Никиши, Ольга Тихонова және Яна Хан өнер көрсеткен Қазақстан құрамасы аралас эстафетада бесінші орын алды. Осылайша олардың әрқайсысы 10 мың доллардан алуға құқылы.

Еске салайық, қысқы Олимпиада ойындарының алтын медалі үшін қазақстандық спортшылар 250 мың доллар, күміс үшін 150 мың, қола үшін 75 мың доллар алады.