Олимпиада: боксшы Сәкен Бибосыновқа қола медаль тапсырылды

Токиода бокстан 52 келіге дейінгі салмақ дәрежесінде Олимпиада ойындарының жеңімпазы мен жүлдегерлерін марапаттау рәсімі өтті.

Бұл туралы  Orda.kz   Olympic.kz. сілтеме жасап хабарлайды.

Олимпиада ойындарында қазақстандық боксшы Сәкен Бибосыновқа да  қола жүлде бұйырды. Олимпиаданың қола медалін мойнына таққан спортшы өз әсерімен бөлісті.

— Арманым көк байрағымызды көкке желбірету еді. Сол үшін де бар күшімді салдым. Негізі алтын медаль аламын деп ойладым. Дегенмен бұйырғаны қола медаль болды. Кішкене өкініш бар, десе де осы жарыс менің ерік-жігерімді қамшылай түсті. Келесі жарыстарда елімнің маған артқан сенімін ақтаймын деген ойдамын, - деді Сәкен Бибосынов.