«Олимпиада-2024»: Назым Қызайбай жеңіске жетті

Қазақстандық боксшы Назым Қызайбай Францияда өтіп жатқан Олимпиада ойындарында екінші жекпе-жегін өткізіп, жеңіске жетті.

Бұл туралы Ұлттық Олимпиада комитеті хабарлады.

50 килограммға дейінгі салмақ дәрежесіндегі 1/8 финалда Назым Қызайбай Бразилиялық Каролин Барбоза де Алмейдамен жекпе-жекке шықты. Ол төрешілердің бірауыздан қабылдаған шешімімен жеңіс тұғырына көтерілді.

Жекпе-жекті төмендегі бейнеден көруге болады.

Осылайша, Назым Қызайбай Олимпиадалық турнирдің ширек финалына шығып, медаль үшін күресін жалғастырып жатыр.

Еске сала кетейік, Назым Қызайбай екі дүркін әлем чемпионы атанды.