OLIMP KZ ісіне қатысы бар тағы бір адам Қазақстанға экстрадицияланды

OLIMP KZ букмекерлік кеңсесі ісіне қатысы бар тағы бір адам Қазақстанға экстрадицияланды.

Бұл туралы Бас прокуратураның баспасөз қызметі хабарлады.

«Қазақстан Республикасының Бас прокуратурасы заң шегінен шығып, Қазақстаннан тыс жерде хабар-ошарсыз кеткен адамдарды экстрадициялау бойынша жұмысты жалғастыруда. Бұдан бұрын хабарланғандай, 18 қарашада күдікті OLIMP KZ букмекерлік кеңсесі қызметіне қатысты қылмыстық топқа қатысы бар деген айыппен қылмыстық жауапкершілікке тартылу үшін Германиядан Қазақстанға экстрадицияланған. Бүгін Бас прокуратураның, Ішкі істер министрлігінің Интерполының, қаржы мониторингі агенттігінің қызметкерлері Қазақстан Республикасы Сыртқы істер министрлігінің көмегімен Сербия Республикасынан оның сыбайласын әкелді» делінген хабарламада.

Олар ұйымдасқан қылмыстық топ құрамында заңсыз ойын бизнесіне қатысқан, салықты және бюджетке төленетін басқа да міндетті төлемдерді төлеуден жалтарған, сондай-ақ 2014-2019 жылдары қылмыстық жолмен алынған ақшаны және мүлікті заңдастырумен айналысты деген күдікке ілінген.