Өлім жазасынан құтылу үшін кінәсін мойындамақ

2001 жылы 11 қыркүйекте 3000-ға жуық адамның өмірін қиған, лаңкестік әрекеттерді ұйымдастырды деп айыпталған үш азамат кінәсін мойындауға шешім қабылдады.

2001 жылы 11 қыркүйекте Нью-Йорктегі оқиға адамзат тарихындағы ең ірі теракт болды. Терактіде үш мыңға жуық адам қаза тапты. «Әл-Каида» экстремистік тобы төрт ұшақты басып алып, екеуін Нью-Йорктегі Бүкіләлемдік сауда орталығы ғимаратына, біреуін Вашингтондағы Пентагонға бұрған. Ал төртінші ұшақ діттеген жеріне жетпей, Пенсильвания штатында құлаған. 3000-ға жуық адамның өмірін қиған лаңкестік әрекеттерді ұйымдастырды деп айыпталған үш адам өмір бойына бас бостандығынан айыру жазасына кесілген.

«2006 жылдан бері Гуантанамодағы АҚШ әскери базасында қамауда отырған Халид шейх Мұхаммед, Валид бен Атташ және Мұстафа әл-Хаусауи ұрланған ұшақ арқылы Нью-Йорктегі Дүниежүзілік сауда орталығы мен Пентагонға әуе шабуылдарын ұйымдастырды. 2976 адамды өлтірді деп айыпталуда»

Айыпталушылардың қорғаушылары мен әскери прокурордың екі жылдық келіссөздері барысында сотқа дейінгі келісімге қол жеткізілді. Прокурорлар сотталушыларды барлық айыптар бойынша кінәсін мойындауға келіссе, өлім жазасын сұрамайды. 

«Таңдалған өлім жазасынан жалтару мақсатында үш айыпталушы барлық айыптарды, соның ішінде 2976 адамды өлтіргендерін мойындауға келісті», - деді Бас әскери прокурор Арон Руга.