«Өлім жазасы»: Журналистке шығарылған үкім жұрттың жағасын ұстатты

Иран мемлекетінің Тегеран қаласындағы Ислам революциялық соты қарулы көтеріліске қатысы бар деп айыпталған күрд белсендісі, журналист Пахшан Азизиді өлім жазасына кесті. 

Бұл туралы Hengaw ұйымы хабарлады.

Сот процесі оның адвокаттарының қатысуынсыз өткен, бұл құқық қорғаушылар арасында үлкен наразылық туғызды. Қауіпсіздік қызметкерлері Азизиге ұзақ уақыт бойы заң көмегін алуға және отбасымен кездесуіне тыйым салған. Үкім шығарылған отырыстар мамыр және маусым айларында өтті. Бірақ оның адвокаттары бұл туралы тек 22 шілдеде ғана білді.

Еске сала кетейік, бұған дейін Пахшан Азизи бірнеше рет түрмеде азаптауларға, қудалауларға және қатыгездікке шағымданған болатын. Халықаралық әділ сот және адам құқықтарын қорғау туралы үндеулерге қарамастан, Иран билігі тұтқындардың негізгі құқықтарын елемей отыр.