Олигархтардың ұлдары караоке-барда төбелес шығарды

Алматыда олигархтардың балалары шығарды деген төбелесті полицейлер тергеп жатыр.

Бұл туралы Ішкі істер министрлігінің ресми интернет-ресурсы хабарлады.

«Бұл дерек ҚР Қылмыстық кодексінің 293-бабы 2-бөлігі (бұзақылық) бойынша сотқа дейінгі тергеп-тексерудің бірыңғай реестріне тіркелді. Төбелеске қатысушылар анықталып, жауап алынды» делінген хабарламада.

Қақтығысқа қатысушылардың алған жарақаттарының ауырлығын анықтау үшін сот-медициналық сараптамалар тағайындалды. Қылмыстық іс бойынша өндірісті Алматы қалалық полиция департаментінің тергеу бөлімі жүргізіп жатыр.

Бұған дейін, әлеуметтік желіде олигархтар Бахарадин Әбләзімов пен Дінмұхамет Ыдырысовтың балалары караоке клубта төбелескені хабарланған болатын. Еске салсақ, Дінмұхамет Ыдырысов Мәжілістің экс-спикері Нұрлан Нығматулиннің құдасы болып келеді.