Ольга Рыпакова жеңіл атлетика федерациясының президенті атанды

Олимпиада чемпионы Ольга Рыпакова жеңіл атлетика федерациясының президенті болды, деп хабарлайды Orda.kz.

Даниал Ахметов өз өкілеттігін мерзімінен бұрын тоқтататқанына байланысты федерация президенті лауазымына Лондондағы Олимпиада чемпионы Ольга Рыпакованың кандидатурасын ұсынды.  Отырысқа қатысушылар оның кандидатурасын бірауыздан қолдады.

Министр Ербол Мырзабосынов Ольга Рыпаковаға жаңа лауазымында табыс тіледі.

«Даниал Кенжетайұлының басшылығымен біздің спортшылар халықаралық жарыстарда ерекше жетістіктерге жетті. Енді федерация президенті қызметін Олимпиада чемпионы Ольга Рыпакова атқарады. Ольга отандық жеңіл атлетиканың дамуына зор үлес қосты. Ол еліміздің жеңіл атлетикасын жаңа биіктерге көтеруді жалғастыратынына сенімдіміз»,   деп атап өтті Ербол Мырзабосынов.

Айта кетейік, бұған дейін біз Шығыс Қазақстан облысының бұрынғы әкімі Даниал Ахметов ҚР жеңіл атлетика федарациясының басшысы қызметінен кеткенін мәлімдедік.