«Олар оны өлтіреді». Протасевичтің анасы ұлының видеосына пікір білдірді

Белоруссиялық журналист Роман Протасевичтің ата-анасы ұлының тергеу абақтысында түсірілген видеосына қатысты пікір білдірді.

Бұл туралы Orda.kz хабарлады.

Наталья мен Дмитрий Протасевич ұлдарының өмірі үшін қорқады.

– Бұл видеода біз Романның бетінен ұрып-соғу белгілерін анық байқадық. Оны гриммен әрлеп қойған, мұрны сынған сияқты. Сол жақ беті ісінген, оның тістері сынған деген күдік бар. Шекесі көгерген және мойын жағында тұншықтырғаннан із қалған, - деді Nexta Telegram арнасының бұрынғы бас редакторының анасы.

Бұған дейін бұқаралық ақпарат құралдары Минск тергеу изоляторынан Роман Протасевичтің үндеуін жариялаған болатын, онда журналист тергеумен бірлесе жұмыс істеп жатқанын және Минскідегі тәртіпсіздіктерді ұйымдастыру туралы мойындағанын мәлімдеді.

Ұсталған азамат құқық қорғау органдарының қызметкерлері тарапынан оған деген қарым-қатынас «барынша дұрыс және заң бойынша» екенін атап өтті, сондай-ақ оның денсаулығында ешқандай проблемалар жоқ екенін мәлімдеді.

23 мамыр күні Nexta және «Беларусь головного мозга» Telegram каналының негізін қалаушы Роман Протасевич Минск әуежайында  ұсталды. Оның Беларуссиядағы екі арнасы да экстремистік деп танылған. Протасевич Ryanair-дің Афина – Вильнюс рейсімен ұшты. Ұшақ шұғыл түрде Беларуссияның астанасына қонды.

Дереккөз: DW Беларусь