«Ол кінәлі емес»: Перизат Қайраттың адвокаты сотқа шағымдануға ниетті

Перизат Қайраттың адвокаты Асланбек Дәулетияров аппеляциялық шағым береді. Ол үкіммен келіспейді және сотталушының толық ақталуы бойынша шағымданбақ, деп хабарлайды Orda.kz.

Адвокаттың ойынша, үкім заңсыз шығарылған. Ол сот отырысынан кейін журналистерге үкімнің «заңсыз және негізсіз» екенін айтты.

«Үкімді заңсыз және негізсіз деп санаймын. Шағымданамыз. Барлық дәлелдерді апелляциялық шағымда келтіреміз», – деді адвокат.

Сондай-ақ адвокат Перизат Қайрат пен оның анасы үкім жарияланғаннан кейін ауыр күйге түскенін жеткізді.

Еске сала кетейік, сот Перизат Қайрат пен оның анасы Ғайни Алашбаеваға қатысты үкім шығарды. Қызы 10 жылға, анасы 7 жылға бас бостандығынан айырылды.