«Оқуын төлемекші болған»: Ломбардқа тапаншамен кірген ер адамды ұрып құлатқан жігіт оқиғаның жай-жапсарын айтты
Фото: Видеодан алынған кадр
Ломбардқа тапанша ұстап кірген қылмыскерді ұрып құлатқан жас жігіттің кім екені белгілі болды, деп хабарлайды Orda.kz.
Qaz365.kz тілшісі Ұлықбек Құрманалиұлымен сұхбаттасты. Ломбард ішінде тұрған 18 жастағы жігіт қылмыстың алдын алу мақсатында тапаншалы қылмыскерді тәртіп сақшылар келгенше ұстап алған.
Тұран аудандық полиция қызметкерлері дер кезінде келіп, құқықбұзушыны тұтқындаған. Аудандық полиция басқармасының бастығы Тілеуов Нұржан өз кезегінде жас жігітті танытқан ерлігі үшін арнайы алғыс хатпен марапаттады.
Ұлықбек Құрманалиұлы оқиғаның қалай болғанын айтып берді.
«Ол жексенбі күні болды. Досым екеуімізге оқудың ақшасын төлеуге 360 мың теңге керек болды. Ата-анама төлетпейін деп телефонымды өткізуге ломбардқа барған едім. Содан ол жерге кірдім. Телефонымды тапсырдым. Қарап тексергенін күтіп отырдым. Біраздан соң артымнан маска киіп алған бала кіріп келді. Кассадағы қыз одан «қандай көмек керек» деп сұрады. «Қосымшаны тарту керек» деді ол. Мен сағат 08.30 кезінде кірдім. Ломбард сағат 9-да жабылады екен. Мен телефон өткізгелі отырғанда, ол тапаншасын алып шығып, кассадағы қызға тақады. Содан ақша талап етеді. Мен одан «шын істеп тұрсың ба, қалжың емес пе» деп сұрадым. Өйткені мен өмірімде мұндай жағдайға бірінші рет кездесіп тұрған соң шығар, әзіл ретінде қабылдадым. Ол «иә» деп дөрекі түрде жауап берді», – дейді ол.
Осыдан кейін Ұлықбек оның шын айтып тұрғанын түсіне қойып, ұрып құлатқан. Жігіт қылмыскердің тапаншасы қолынан түскенше ұра берген.
«Жерге құлатқан соң қасымдағы дос балам қолындағы тапаншасын тартып алды. Есін жинатқызып, сол жерде диванға отырғыздым. Сол кезде полиция қызметкерлері жетіп келді. Тергеу басталып кетті. Сөйтіп ломбардтан сағат 23.00-де шықтық. Ары қарай ІІБ-ге бардық. Ол жерге барған кезде шынымен солай болып жатқанын түсіндім. Менен жауап алды. Содан ломбардтағылар досым екеумізге сыйлық ретінде Iphone 15 телефонын берді», – дейді шымкенттік жігіт.
Ұлықбектің оқуына 360 мың теңге керек болған. Өзіне сыйлаған телефон 240 мың теңгеге сатылыпты. Сонымен бір жылдық оқуын жауып алған. Ол Орталық Азия Инновация университетінде дене шынықтыру мамандығы бойынша 1 курс студенті екен.
Шымкентте қару ұстап, ломбард қызметкерлерін бопсалағандарды тоқтатқан жігіт туралы хабарлаған едік.
Жаңалықтар
- Үкімет Қашағанның 10,7 млрд долларлық келісімшарты бойынша жемқорлық болғанын мәлімдеді
- Иран Трамптың Ормуз бұғазын АҚШ-тікі деп жариялау жоспарына жауап берді
- ДСМ балаларға стоматологиялық көмек қолжетімділігін шынайы қамтамасыз етуді тапсырды
- 17 жыл бойы Еуропада қашып жүрген «Кинг-Конг» лақап аты бар қылмыскер сотталды
- Канье Уэсттің Алматыдағы концертінде қазақ тілі неге ескерілмеді?
- WBO Жәнібек Әлімханұлының дисквалификациясын тоқтатты, ол енді титулға үміткер
- Индонезияда магнитудасы 7,7 болатын күшті жер сілкінісі болды: Қаза тапқандар бар
- Алматыдағы блэкаут: Қала көшелерінде 1300-ден астам заңбұзушылық болды
- Түркістан облысындағы жанармай бекетінде бензин таситын 10 тонналық көлік өртенді
- Дастан Сәтбаев жаңа маусымда «Бернли» сапында ойнайды
- Алматыда бағдаршамдар іске қосылып, метро жұмысын қайта бастады
- Канье Уэсттің концерті 15 тамызға ауыстырылды
- Қазақстандағы электр желісіндегі ақауға не себеп болды? KEGOC жауабы
- Шымкентте бұрынғы күйеуі әйелдің бетіне қышқыл шашып, күйдіріп тастады: Оқиғаның мән-жайы
- «Баланың басынан таяқпен ұрған»: Бейімдеу орталығының маманы балаларға қатыгездік көрсеткен
- Ана мен бала өлімі азайды: Қазақстан медицинасының жаңа көрсеткіштері
- 20 адам зардап шегіп, 45 млн теңгеден астам шығын келтірген алаяқ әйел сотталды
- Павлодар облысының тұрғыны полиция бөлімінде жұмбақ жағдайда қайтыс болды
- Отбасын қолдау орталығының заңгері әйеліне тұрмыстық зорлық-зомбылық жасаған
- Оралда септикке құлаған 8 жастағы қыз көз жұмды
