«Оқуын төлемекші болған»: Ломбардқа тапаншамен кірген ер адамды ұрып құлатқан жігіт оқиғаның жай-жапсарын айтты
Фото: Видеодан алынған кадр
Ломбардқа тапанша ұстап кірген қылмыскерді ұрып құлатқан жас жігіттің кім екені белгілі болды, деп хабарлайды Orda.kz.
Qaz365.kz тілшісі Ұлықбек Құрманалиұлымен сұхбаттасты. Ломбард ішінде тұрған 18 жастағы жігіт қылмыстың алдын алу мақсатында тапаншалы қылмыскерді тәртіп сақшылар келгенше ұстап алған.
Тұран аудандық полиция қызметкерлері дер кезінде келіп, құқықбұзушыны тұтқындаған. Аудандық полиция басқармасының бастығы Тілеуов Нұржан өз кезегінде жас жігітті танытқан ерлігі үшін арнайы алғыс хатпен марапаттады.
Ұлықбек Құрманалиұлы оқиғаның қалай болғанын айтып берді.
«Ол жексенбі күні болды. Досым екеуімізге оқудың ақшасын төлеуге 360 мың теңге керек болды. Ата-анама төлетпейін деп телефонымды өткізуге ломбардқа барған едім. Содан ол жерге кірдім. Телефонымды тапсырдым. Қарап тексергенін күтіп отырдым. Біраздан соң артымнан маска киіп алған бала кіріп келді. Кассадағы қыз одан «қандай көмек керек» деп сұрады. «Қосымшаны тарту керек» деді ол. Мен сағат 08.30 кезінде кірдім. Ломбард сағат 9-да жабылады екен. Мен телефон өткізгелі отырғанда, ол тапаншасын алып шығып, кассадағы қызға тақады. Содан ақша талап етеді. Мен одан «шын істеп тұрсың ба, қалжың емес пе» деп сұрадым. Өйткені мен өмірімде мұндай жағдайға бірінші рет кездесіп тұрған соң шығар, әзіл ретінде қабылдадым. Ол «иә» деп дөрекі түрде жауап берді», – дейді ол.
Осыдан кейін Ұлықбек оның шын айтып тұрғанын түсіне қойып, ұрып құлатқан. Жігіт қылмыскердің тапаншасы қолынан түскенше ұра берген.
«Жерге құлатқан соң қасымдағы дос балам қолындағы тапаншасын тартып алды. Есін жинатқызып, сол жерде диванға отырғыздым. Сол кезде полиция қызметкерлері жетіп келді. Тергеу басталып кетті. Сөйтіп ломбардтан сағат 23.00-де шықтық. Ары қарай ІІБ-ге бардық. Ол жерге барған кезде шынымен солай болып жатқанын түсіндім. Менен жауап алды. Содан ломбардтағылар досым екеумізге сыйлық ретінде Iphone 15 телефонын берді», – дейді шымкенттік жігіт.
Ұлықбектің оқуына 360 мың теңге керек болған. Өзіне сыйлаған телефон 240 мың теңгеге сатылыпты. Сонымен бір жылдық оқуын жауып алған. Ол Орталық Азия Инновация университетінде дене шынықтыру мамандығы бойынша 1 курс студенті екен.
Шымкентте қару ұстап, ломбард қызметкерлерін бопсалағандарды тоқтатқан жігіт туралы хабарлаған едік.
Жаңалықтар
- Қазақстандықтардың қарызы 25 триллион теңгеден асты
- Қоғам қайраткері әрі дәрігер Бақыт Түменова қайтыс болды
- Қазақстан азаматы Берлин қаласында Ресей пайдасына тыңшылық жасады деген күдікпен ұсталды — Euronews
- Алматыда самокатшыларға қойылатын талаптар күшейтілді: Полиция қандай шешім қабылдады?
- Депутаттар заң жобасын таныстырды: Мұғалімнің оқушылар үшін жауапкершілігі азайды
- Ақтөбе облысында дрон құлап, құрғақ шөп өртке оранды
- Дәрігерлер өңешінде ине тұрып қалған сәбиге дер кезінде жәрдем берді
- Бурятияда қар көшкіні кезінде қазақстандық қаза тапты
- Тоқаев Андрей Бабиштің чех кәсіпкерлері делегациясын әкелгеніне ризашылық білдірді
- Тәшиевке төңкеріс әрекеті бойынша айып тағылды ма? Адвокат өз сөзінен бас тартты
- Заңсыз кіріс өндірілді: Ойын бизнесін ұйымдастырған шымкенттік 4 жылға сотталды
- Швейцария соты Гүлнәр Кәрімоваға қатысты істі тоқтатты
- Ақтаулықтар кәдеге жарату алымын төмендетуді талап етті
- Қамшыбек Тәшиев мемлекеттік төңкеріс жасамақшы болған: Экс-ҰҚК төрағасына ресми түрде айып тағылды
- АҚШ-та Трамптың бейнесі бар паспорт шығады
- Google қызметкерлері жасанды интеллектті әскери мақсатта пайдалануға қарсы
- Сәби саудасы мен еңбекке жегу: ІІМ қылмыстың топтардың ісін әшкереледі
- «Дружба» құбыры жабылды: Қазақстан мұнай экспортын қайда жібереді?
- Аргентинада Димаш Құдайберген атындағы кабинет ашылды
- Таяу Шығыстағы ахуал: БАӘ мұнай экспорттаушы елдер ұйымынан шығады
