Оқу-ағарту вице-министрі дүниеден озды

Оқу-ағарту бірінші вице-министрі Наталья Жұмаділдаева дүниеден озды. Бұл қаралы хабарды оқу-ағарту министрі Ғани Бейсембаев растады, деп хабарлайды Orda.kz.

«Бүгін әріптесіміз, ҚР Оқу-ағарту бірінші вице-министрі Наталья Жұмаділдаеваның өмірден озғаны туралы қаралы хабарды естіп, қабырғамыз қайысып отыр», – деп жазды министр өзінің Facebook-тегі парақшасында.

Наталья Жұмаділдаева педагогикалық еңбек жолын қарапайым бастауыш сынып мұғалімі ретінде бастаған. Кейін мектеп директоры, Қызылорда қалалық білім бөлімінің басшы орынбасары, ал VI шақырылымдағы мәжіліс депутаты ретінде елдің білім саласын дамытуға үлес қосты. Сондай-ақ, ол оқу-ағарту министрлігінің мектепке дейінгі білім беру департаментін басқарды.

«Ол білім жүйесін жетілдіруге және балалардың сапалы білім алуына қолайлы жағдай жасауға ерекше назар аударды. Білім беру саласының осындай білікті мамандарының ортамыздан кетуі - орны толмас өкініш. Наталья Васильевнаның туыстары мен жақындарына қайғырып көңіл айтамын!», – деп атап өтті министр.