Оқу-ағарту министрі оқушылар мен ұстаздар үндеу жасады

Оқу-ағарту министрі Ғани Бейсембаев оқушыларды, түлектерді және ұстаздарды оқу жылының аяқталуымен құттықтады.

Бұл шара алғаш рет «Білім – Отаныма» демеушілігімен жаңа форматта өтпек. Министр бұл жұмысты қорытындылап, мұғалімдерге, мектептерге, ата-аналарға алғыс айтудың тамаша сәті деп есептейді. 

«Төрт миллионға жуық оқушы келесі сыныпқа өтеді. Осы бір жыл ішінде оқуда да, шығармашылықта да, спортта да жетістікке жеттіңіздер. Біздің мектеп оқушылары он халықаралық олимпиадада 243 медаль жеңіп алды. Сіздердің әрқайсысыңыз өз нәтижелеріңізбен мақтана аласыздар. Осымен тоқтап қалмауларыңызды тілеймін»,- деді министр.

Бейсембаев биыл су тасқыны салдарын жоюға атсалысып, алдыңғы шепте болуға мәжбүр болған ұстаздарға да сөз арнады. 

«Сіздер мектептерді сақтап қалдыңыздар, барлық мұқтаж жандарға қолдау көрсеттіңіздер және тәрбиелік миссияны адал атқардыңыздар. Еңбектеріңіз үшін шын жүректен шыққан алғысымды қабыл алыңыздар»,- деп қорытындылады оқу-ағарту министрлігінің басшысы.

Сондай-ақ биыл мектеп бітіреді деп күтілген 186 мың жасөспірімнің емтиханнан сүрінбей өтуіне сәттілік тіледі.