«Оқтаумен ұрып, тыр жалаңаш суыққа шығарған»: Патронаттық отбасыда қандай былықтар бар?

Қарағандыда асырап алған ата-аналар алты баланы азаптап, қорлады деп айыпталып отыр, деп хабарлайды Orda.kz.

Айыпталушылар күйеуі, әйелі және қызы. Отбасы балалар үйінен 6 баланы асырап алып, оларды құлдыққа салған. Бірінші бала асырап алынған кезінде ол 8 жаста болған, ал қазір оның жасы 16-да. Ол сотта бастапқыда оны жақсы қабылдағанын, бірақ «қорған болуды» түпкілікті ресімдегеннен кейін жағдай өзгергенін айтты. Оны қораны көңнен тазартып, аумақты тазалауға мәжбүрледі. Басында бір дастарханда тамақ ішіп, кейін оған қалған тамақтарды беріп отырған. 

«Маған қалған-құтқандарын берді. Өздері жеп болған соң, қалғанын маған беретін. Көшеде жүрген құрттарды да жеуге мәжбүрледі», – деді жасөспірім. 

Прокурордың сұрақтарына жауап бере отырып, ол асырап алған ата-ана мен олардың төрт баласының аты-жөнін атады.

Баланың айтуынша, ол тамақты аз жейтін әрі тамақ сұрауға қорқатын. Өйткені оны жиі ұрып-соғып, тіпті қамшымен де сабайтын. Асырап алған әкесі баланы аязға жалаңаш шығарып, содан кейін ұрып-соғатын, тіпті бала екі рет қашып кетуге тырысқан. Асырап алған анасы басынан оқтаумен ұрған соң, балаға ота жасалып, бас сүйегіне металл пластина қойылып, мүмкіндігі шектеулі балалар үйіне жіберілген.

Еске сала кетейік, бұған дейін 7-қабаттан құлап, мерт болған Ақнәрдің құрбысы оқиға болған күнді өз нұсқасын айтып, баяндап берген еді.