Ойыннан өрт шықты: Ақтөбеде балалар ГАЗель көлігін өртеп жіберді

Ақтөбеде ГАЗель көлігі толығымен жанып кетті. Өрт «Спецавтобаза-2» бау-бақша қоғамында орын алды.

Бұл туралы Orda.kz хабарлады.

Жанып жатқан көлікті құтқару мүмкін болмады.

– Өртті тұтандырған - бес, алты және жеті жасар үш бала болып шықты. Балалар көліктің ішінде ойнап отырып, абайсызда орындықты өртеп алған. Көлік толығымен жанып кетті, - деді Ақтөбе облысы полиция департаментінің баспасөз қызметі.

Полицейлердің айтуынша, ұлдарының ойындарына енді ата-аналары жауап береді. Сондай-ақ, олар ересектерге балаларға қырағылық танытуды ескертті.

– Сіріңке мен оттықты тығып, өрттің салдары туралы үнемі айтып отыру керек. Бала үшін ата-ана жауапты. Олар тек келтірілген зиянға ғана емес, тәрбиеге де жауап беретіндерін түсіну керек. Балаларға ненің жақсы, ненің жаман екенін тек мектеп қана емес, сонымен қатар анасы мен әкесі түсіндіру қажет, - делінген полицияның халыққа үндеуінде.