Қойнауы тарихқа толы Алматы шаһарына — 1005 жыл. Қала күні қалай тойланады?
Биыл оңтүстік астана атанған тарихи қала — Алматы шаһарына ресми түрде 1005 жыл толды. Алматылықтар жыл сайын қала күнін қыркүйектің үшінші жексенбісінде атап өтеді.
Еліміздегі эпидемиологиялық ахуалға байланысты Алматы тұрғындары биыл да қала күнін онлайн-режимде атап өтеді.
Бұған дейін дәстүрлі түрде қала күнінде мегаполисте көрмелер, концерттер және басқа да мәдени-бұқаралық және спорттық іс-шаралар өтіп жүрді. Коронавирус инфекциясына байланысты былтырдан бері іс-шараның басым бөлігі онлайн форматта ұйымдастырылуда.
Бастапқыда әкімдік бірқатар бұқаралық іс-шараны офлайн өткізуді жоспарлаған болатын. Оның ішінде Медеудегі баспалдақпен көтерілу, Алматы марафон веложарысы және ALMATY URBAN FEST 2021 бар. Бірақ кейінірек санитарлық-эпидемиологиялық бақылау департаменті бұған тыйым салған.
Мәдениет басқармасының хабарлауынша, 19 қыркүйек сағат 19.00-де Алматы телеарнасында қала күнін мерекелеуге арналған «Алматы талант» киноконцерті өтеді.
19-21 қыркүйек аралығында Алматы телеарнасының эфирінен қала бойынша интеллектуалды квест ойынын және «Алматы – менің сүйікті қалам» қала кітапханаларын көруге болады. Шараға қазақстандық танымал адамдар қатысады.
20 қыркүйекте онлайн форматта қазақстандық жас фотографтардың «Алматы – Тәуелсіздіктің алтын бесігі» фотокөрмесі өтеді.
20, 21, 26 қыркүйек күндері Алматы қаласы музейлер бірлестігінің әлеуметтік желі парақшасында «Алматы менің жүрегімде» онлайн концерті.
24 қыркүйекте Сәбит Мұқанов пен Ғабит Мүсіреповтың әдеби-мемориалдық музей кешенінің әлеуметтік желі парақшасында Қазақстан Жазушылар одағымен бірлесіп ұйымдастырылған «Қала және қаламгер» көшпелі фотокөрмесі өтеді.
18-21 қыркүйек аралығында Алматы әуендері (almaty_ayenderi) әлеуметтік желі парақшасында қазақстандық танымал адамдардың қатысуымен «Күзгі әуен» және «Ару қала – Алматы» онлайн концерті өтеді.
Жаңалықтар
- ЕО Израильді Рафахтағы әскери операциясын дереу тоқтатуға шақырды
- Қарағанды әкімі қала маңында ілінген плакаттарды сынға алды
- Қазақстан мұнай өндіруді арттыра ма?
- Утиль алымға қарсы петиция екі аптада 12 мың қол жинады
- Алматыдағы Гагарин даңғылының бір бөлігі әншінің құрметіне берілуі мүмкін
- Гүлзада Сержанға 50 АЕК көлемінде айыппұл салынды
- ҰҚК академиясының түлегі «Қазақстан инжиниринг» ұлттық компаниясын басқарды
- Әйелі зорлық-зомбылық көргенін мәлімдеген қазақстандық дипломаттың ісі туралы айтылды
- Қазақстандық азамат шетелдік компаниядан 180 миллион доллар бопсалаған
- Қазақстан бұрынғы уақыт белдеуіне оралуы мүмкін
- Әбіләзовтың сыбайласы Бельгиядан Қазақстанға оралды
- Құлсары қаласының тұрғындары Жылыой ауданы әкімдігінің ғимараты алдында митинг өткізді
- Маңғыстау облыстық полициясы, ҰҚК, прокуратура басшылары отставкаға жіберілді
- Мағзұм Мырзағалиев «ҚазМұнайГаз» басшысы қызметінен босатылды
- Дональд Трамптың ұшағы апатқа ұшырады
- Айуандықпен кісі өлтірді деген күдікті Түркиядан экстрадицияланды
- Грузия парламенті «шетелдік агенттер туралы» заңды қабылдады
- СҚО-да аудан әкімінің орынбасары ұсталды
- Индерде кіреберіс жолды су басқанына байланысты тұрғындарды қайықпен тасымалдап жатыр
- Ұлттық Банктің инвестицияларды зерттеуге арналған гранты Назарбаев Университетіне берілді