Өгей әкесі 4 жыл зорлаған қыз бар сұмдықты жайып салды

Алматы облысында өгей әкесінен 9 жасынан бастап 13 жасқа дейін жыныстық сипаттағы зорлық-зомбылық көрген жасөспірім қалай зорлық көргенін айтып берді, деп хабарлайды Orda.kz.

Бұл туралы адвокат Айман Омарованың Instagram  парақшасынан мәлім болды. 

«Маған 9 жасымнан бастап тиісе бастады. Алғашында кеудемді, санымды ұстады. Жыныстық мүшемді киімнің сыртынан сипайтын. Ал кейінен өзінің мүшесін менің жыныс мүшеме салды. Анаңа айтсаң, оны атып өлтіремін деп қорқытатын, өйткені үйде екі мылтық бар еді», – деді жасөпірім.

Қыз өзінің зорлық көргенін анасына 2025 жылдың 20 наурызда айтқан. Сонымен қатар, жасөспірім өгей әкесінің көрсеткен қорлығынан қорқып,  үйден бірнеше рет қашып кеткенін айтты.

Қазіргі таңда күдікті уақытша ұстау изоляторына қамалған. Омарова жасөспірімге психологиялық көмек көрсететінін әрі алдағы уақытта сотқа қатысатынын жеткізді. Қыздың құқығын Омарова бастаған  адаокаттар қорғауға кірісіп кетті. 

Айман Омарова бастаған адвокаттар өткен жылдан бері педофильдерге қатысты істерді көп қолға алып, жұрттың жағасын ұстататын жағдайларды жария етіп келеді. 

2024 жылы ҚР ішкі істер министрлігі статистика және арнайы есептер комитетінің мәліметтерінде кәмелетке толмағандарды зорлау бойынша 97 оқиға тіркелген. Ал оларға осы жыныстық сипаттағы күштеу әрі зорлық-зомбылық бойынша 87 оқиға тіркелді. Он алты жасқа толмаған адаммен жыныстық қатынас немесе басқа жыныстық сипаттағы 138 оқиға тіркелді.