Оффлайн өмір: жоғары оқу орындарында сабақтар қалай өтіп жатыр?
Биылғы оқу жылы студенттер үшін жақсы жаңалықпен басталды. Университет қабырғасында білім алуға рұқсат алған студенттердің қуанышында шек жоқ. Негізгі талап – карантин ережелерін қатаң сақтау. Студенттерге жоғарғы оқу орны ғимаратының ішінде маска тағып, кірер кезде «Ashyq» жүйесі бойынша тексерістен өту міндеттелген.
Дәстүрлі оқу 2,3,4 курс студенттері үшін 1 қыркүйекте басталса, 1 курс студенттері үшін 6 қыркүйекте басталды. Orda.kz тілшісі Әл-Фараби атындағы Қазақ Ұлттық университетінің оффлайн сабақтары қалай өтетінін көзбен көріп қайтты.
Бұл - журналистика факультетінің 3 курс студенттері. Жалпы журналистика бағыты бойынша білім алатын 3 курс студенті Айткәрім Рүстемнің айтуынша, бір аптада екі немесе үш мәрте оффлайн сабақтар өтеді. Журналистика факультетіндегі күрделі жұмыстарға байланысты студенттер әзірге Химия және химиялық технология факультетінде білім алып жүр.
Факультетке кірместен бұрын студенттердің барлығы «Ashyq» жүйесін сканерлеп, «жасыл» статустарын көрсетті.
Дәлізде антисептиктер қойылған.
Ал кабинетке кірер алдында ескерту ретінде жазылған арнайы жазбаны байқаймыз. Студенттер саны аудиториның 50 пайызын ғана толтыруы тиіс. Бұл да сақтық шарасы.
Біраз уақыт онлайн сабақтарға бой үйреткен студенттер үшін, дәстүрлі формат ыңғайлы. Ал аудиториядағы парталарда «арақашықтықты сақтаңыз» деген ескерту қойылған.
Студенттердің айтуынша, міндетті пәндердің лекциясы онлайн өтеді. Семинарлар дәстүрлі форматта болады.
– Дәстүрлі форматта оқыған бізге ыңғайлы. Шалғай жерде тұратын, интернеті нашар студенттер үшін онлайн оқу біраз қиындық тудырды. Біраз үзілістен кейін ата-анадан алшақ кетіп, басқа қалада оқуға бой үйретіп жатырмыз. Алыстан келген соң жатақхана алдық. Оқу орны жақын. Әрбір студент өз денсаулығы үшін де карантин талаптарын сақтайды, - дейді Айткәрім Рүстем.
Қазақстанда қашықтан оқу біршама қиындық тудырғаны белгілі. Бұл күллі әлемге төнген қауіп болғаннан кейін, пандемия жағдайында ауылдық мектептердің де есігі жабылды. Интернет жылдамдығы нашар, ақпараттық технологиялармен толық қамтылмаған оқушылар болды.
Еске салайық, қашықтан оқыту Kundelik.kz, BilimLand, Googlе Classroom платформалары және WhatsApp желісі арқылы жүзеге асырылды. Сонымен қатар, «Балапан» арнасындағы ТВ-сабақтар арқылы да балалар білім алды.
Жаңалықтар
- Айдын Бикебаев адвокаттарды қоғамдық талқылаудан аулақ болуға шақырды.
- Атырау тұрғындары бөгет салу үшін аулаларын бұзуға рұқсат бермеді
- Қазақстан Қырғызстанда электр станциясы мен ферроқорытпа зауытын салады
- Қазақстандық азамат 35 діни кітапты заңсыз әкелгені үшін айыппұл төледі
- Бишімбаев ісі: судьяға қорқыту салдарынан қылмыстық іс қозғалды
- Өзбекстан Қазақстан мұнайы импортын қысқартты
- Тоқаев пен Жапаров Қазақстан мен Қырғызстанның Жоғары мемлекетаралық кеңесі отырысына қатысты
- Атырау тұрғындары бөгет салу үшін аулаларын бұзуға рұқсат бермеді
- ЕАЭО елдері арасында Қазақстанның инфляция деңгейі ең жоғары
- Бишімбаев ісі: Қазақстанның бас заңгері адвокаттарды дауласпауға шақырады
- Қазақстан, Қытай және Ресей құны 7,7 миллиард доллар болатын полиэтилен өндіру жобасын іске қосады
- Тәжікстанда сиқыршылар мен емшілер жазаланады
- Семейде 62 жастағы зейнеткер саунада сутенер болып жұмыс істеді
- Атырауда тасқыннан қорғайтын бекіністі тонағандар ұсталды
- «Алматы Су» басшысының орынбасары мен Қызылорда облысындағы департаменттердің бірінің басшысы ұсталды
- Мұнай бағасы төмендеді
- Израиль Ирандағы нысанға зымыранмен шабуыл жасады
- АҚШ пен Ұлыбритания Израильге шабуыл жасағаны үшін Иранға қарсы санкциялар салды
- Ресейдегі су тасқыны: Қорған маңындағы Тобыл өзенінің су деңгейі он метрге көтерілді
- Қырғызстан президенті Қазақстанға іс-сапармен келді