«ӨзенМұнайГаз» бас директорының орынбасары ұсталды

Маңғыстау облысында «ӨзенМұнайГаз» бас директорының орынбасары Бауыржан Мәмбетсапаев ұсталды.

Бұл туралы Қаржы мониторинг агенттігі хабарлады.

ҚМА мәліметінше, Бауыржан Мәмбетсапаев өкілеттігін асыра пайдаланды деп айыпталып отыр.

Ол «ӨзенМұнайГазға» өзінің таныстарын заңсыз жұмысқа алған. Бұл ретте жаңаөзендік 9 мың тұрғынның кәсіпорынға жұмысқа орналасу кезегінде тұрғаны белгілі.

Мәмбетсапаев өзінің қылмыстық әрекеттерімен мемлекетке 46 млн теңге көлемінде шығын келтірген. Іс бойынша тергеп-тексеру амалдары әлі жалғасуда.