Өзбекстанмен шекарадағы «Атамекен» және «Қазығұрт» өткізу бекеттері 2024 жылға дейін жабық

Қазақ-өзбек шекарасының аталған өткізу бекеттерінде жаңғырту жұмыстары жүргізілетін болады.

Мемлекеттік кірістер комитетінің хабарлауынша, 15 ақпаннан бастап Қазақстан-Өзбекстан шекарасының «Атамекен» және «Қазығұрт» өткізу бекеттері жүк көтергіштігі 3,5 тоннадан асатын жүк көліктерін қоспағанда, көліктің барлық түрлері мен жеке тұлғалар үшін жабылады.

«Қазіргі таңда тоғыз автокөлік өткізу пунктін жаңғырту және қайта жабдықтау жұмыстары жүргізілуде. «Қазығұрт» және «Атамекен» автомобиль өткізу бекеттерін жаңғырту кезеңінде азаматтардың шекарадан өту кезіндегі қауіпсіздігін қамтамасыз ету және кедендік бақылауды толық жүзеге асыру мақсатында 2023 жылғы 15 ақпаннан бастап жүк көтерімділігі 3,5 тонна  жеке тұлғалардың, жеңіл автокөліктердің, автобустар мен көлік құралдарының өтуіне тыйым салынады» деп мәлімдеді министрлік.

Балама ретінде азаматтар мен жүргізушілерге шекарадан басқа жерлерден өту ұсынылады:

• Б.Қонысбаева (ҚР) – Яллама (ӨР) өткізу пункттері (жүк көтергіштігі 3,5 тонна болатын жеке тұлғалар, жеңіл автомобильдер, автобустар);

• «Жібек жолы» (ҚР) – «Гишт Куприк» (ӨР) өткізу пункттері (жеке тұлғалар, жеңіл автокөліктер, автобустар);

• «Сырдария» (ҚР) – «Мәлік» (ӨР), «Целинный» (ҚР) – «Ок алтын» (ӨР) өткізу пункттері (автомобильдер, жеке тұлғалар).

Нысандарды жаңғыртуды 2024 жылдың төртінші тоқсанында аяқтау жоспарлануда.

Еске салайық, Қазақстан Өзбекстан және Түркіменстан шекарасында электронды кезек енгізіледі. Жаңашылдықтың негізгі мақсаты – тасымалдаушыларға кезекті алдын ала брондау мүмкіндігін беруде, сонымен қатар ол көпшілікке қолжетімді болады. Жоспар бойынша, бұл жүк көліктерінің шекарадан өту процесін жылдамдатады. Жүйе өтініш берушінің салық берешегіне, ақылы жолдарға, трактор мен тіркемені тіркеуге және т.б. тексереді.