Өзбекстанда мерзімінен бұрын президент сайлауы басталды

Өзбекстан ОСК: президенттік сайлау алдындағы «тыныштық күні» заң бұзушылықсыз өтті.

Өзбекстан Орталық сайлау комиссиясы 9 шілдеде жергілікті уақыт бойынша тура сағат 8:00-де (Астана уақыты бойынша 9:00) елдегі барлық 10 784 сайлау учаскесі ашылғанын хабарлады. Дауыс беру кешкі сағат 18:00-де аяқталады.

Елдің бас кітабына енгізілген түзетулер басқалармен қатар мемлекет басшысының өкілеттік мерзімін бес жылдан жеті жылға дейін ұзартуды қарастырады. Демек, бұл қызметке екінші рет отырған қазіргі мемлекет басшысы, 65 жастағы Шавкат Мирзиеев тағы да үміткер болып отыр. Дегенмен оның қарсыластары да бар.

Мемлекет басшысы лауазымына тағы үш кандидат таласуда: Робахон Махмудова – «Адолат» социал-демократиялық партиясынан, Абдушүкүр Хамзаев – Экологиялық партиядан және Ұлықбек Иноятов – Халықтық демократиялық партиядан.

Жеңіске жету үшін 50 пайыздан астам дауыс жинау маңызды. Нәтижесі 10 шілдеде жарияланады.