Өскеменде қураған ағаштар өртенді

27 маусымда сағат 18:30-да Өскемен қаласының шығыс шетінде Глубоковский ауданы Комсомол орман шаруашылығында құрғақ шөп өртенді, деп хабарлайды ҚР Төтенше жағдайлар министрлігінің баспасөз қызметі.

8 м/с-қа жететін қатты жел екпіні найзағай жылдамдығымен өртті құрғақ өсімдіктерге таратады. Өрт сөндірушілерге  көмектесу үшін су төгетін құрылғысы бар ШҚО АӘД Ми-8 тікұшағы жіберілді.

«Өрттің шығу себептерінің бірі адами фактор – отқа абайсыз қарау болуы мүмкін. Бағыты өзгерген қатты жел салдарынан өрт гектардан гектарды шарпыған. Қаланың айналасын түтін орап, өрт иісі сезілді. Шығыс Қазақстан облысының әуе-десанттық бөлімшесінен су төгетін тікұшақты тарту туралы шешім қабылданды. Бұл өрттің бір шетін тоқтатуға көмектесті. Алдағы уақытта өрт сөндірушілер жергілікті атқарушы органдармен және орманшылармен бірлесе отырып, өрт сөндіргіштері мен крекер көмегімен қалған жерлерді сөндіруді жалғастыруда. Өрт жалпы 14,2 га аумақты шарпыды», - деді ШҚО Төтенше жағдайлар департаменті Өрт сөндіру және авариялық-құтқару жұмыстары қызметінің басшысы Айдос Нүсіпбаев.

Өртті сөндіруге Шығыс Қазақстан облысы Төтенше жағдайлар департаменті мен орман шаруашылығынан 74 адам, 14 техника, сондай-ақ Ми-8 АП ШҚО  тікұшағы жұмылдырылды.