Қоқыс үйінділерінің астында қалған ер адамның мәйіті табылды

Алатау ауданында ер адам қоқыс астында қалды. Оның денесін үйіндіден 109 құтқару қызметінің қызметкерлері шығарды. Бұл туралы inAlmaty.kz хабарлады.

Анықталғандай, 11 ақпан сағат екілерде «Кенжехан» базарының артында ер адам қоқыс астында қалып қойған. Ол кезде қоқыс полигонында қазу жұмыстары жүргізіліп жатқан.

«Оқиға орнына бірден 109 қызметінің 12 адамнан құралған құтқарушылар тобы және екі кинологиялық экипаж аттанды. Оқиға орнына жеткен құтқарушылар іздестіру-құтқару жұмыстарын жүргізе бастады», - деді 109 қызметі.

Құтқару жұмыстары кезінде үйінділердің арасынан шығарылған ер адамның мәйіті табылды.