Оқушы қызды ұрған ер адамға тергеу басталды

Павлодарда полиция 13 жасар қызды ұрған ер адамға қатысты сотқа дейінгі тергеу бастады, деп хабарлайды ORDA. Liter.kz-ке сілтеме жасап.

Полицияның мәліметінше, ересек ер адам мен қыз бала арасындағы ауызша жанжал қаладағы дүкендердің бірінде болған. Оқиға сыртқы бейнебақылау камерасына түсіп қалған. Бейнежазбада қыздың дүкеннен көшеге қалай жүгіріп шыққанын, онда күдікті оны қуып жетіп, өтіп бара жатқан адамдардың көзінше ұрып-соққаны көрсетілген.

- Ер адамға қатысты кәмелетке толмаған қыздың заңды өкілдерінен арыз түсті. Сот-медициналық сараптама тағайындады. Сараптама нәтижелері бойынша ҚР Қылмыстық кодексінің 1-бөлігі 293-бабы «Бұзақылық» бойынша сотқа дейінгі тергеу басталды, - деді Павлодар облысы полиция департаменті бастығының бірінші орынбасары Жасқайрат Қайыров.

Баптың санкциясы екі мың АЕК-ке дейін айыппұл салуды немесе түзеу жұмыстарын, яғни екі жылға дейін бас бостандығынан айыруды көздейтінін ескертті.