Оңтүстік Кореяда сотталғандар елге ауыстырылады

Қасым-Жомарт Тоқаев «Сотталған адамдарды беру туралы Қазақстан Республикасы мен Корея Республикасы арасындағы шартты ратификациялау туралы» Қазақстан Республикасының Заңына қол қойды, деп хабарлады  Ақорда.

Қазір Оңтүстік Кореяда Қазақстанның 35 мыңға жуық азаматы бар. Солардың ішінде 23 адам кореялық түрмелерде жазасын өтеуде.

Қазақстан парламенті қабылдаған келісім сотталғандарды бас бостандығынан айыру, қамауда ұстау, тағы да басқа  бас бостандығынан айыру түріндегі жазаларын өз мемлекетінде өтеуге ықпал етпек. Олар осындай жолмен отандастарымызды  қоғамға қауіпсіз түрде қайта қосылуын ойластыруда.

Келісім ратификацияланғаннан кейін Қазақстанның Кореядағы елшілігі қызметкерлері сотталған қазақстандықтарға отанына оралу мүмкіндігін түсіндіреді. Себебі шетелде жазасын өтеп жатқан   Қазақстан азаматы оралу мүмкіндіктеріне келісім беруі керек.

Аталған келісім сотталғандарды айырбастау  бойынша өзара іс-қимыл мәселелерін, оның ішінде ауыстыру шарттары мен үдерістерін, жазаны одан әрі орындау нормаларын және заңды сақтау мәселелерін реттейді.