Қоғам қайраткері Тоқаевқа жағымпазданған депутаттарды сынға алды

Қоғам қайраткері Арман Шораев президент Қасым-Жомарт Тоқаевқа «жағымпазданған» парламент депутаттарын сынға алды.

– Қарап тұрсам – осы күнге дейін үндемеген Мәжіліс пен Сенат депутаттары әлеуметтік желілерде «Президенттің айналасына топтасайық» суретін жариялай бастады. Бұл кеңес заманынан қалған әдіс, бұл жағымпаздық. Менің, мысалы, президенттің парламентті тарату туралы айтпағанынан көңілім қалды, – деп мәлімдеді ол.

Оның айтуынша, депутаттар 2-3 жыл бұрын бірінші президентке қатысты жағымпаздықпен айналысқан, ал қазір екінші президентке қатысты дәл солай етіп жатыр.

– Бұл өте күлкілі, әрі қорқынышты. Міне, осы жағымпаздар бізде тек депутаттар арасында ғана емес, әріптестеріміздің арасында да, кейбір журналистер, 50 мың теңгеге, 100 мың теңгеге жазба жазатын кейбір блогерлер өздерінің арын саудалайды және қазіргі жүйеге кіруге және бұрынғы президенттен бас тартуға тырысады, – деп қосты Шораев.