Қоғам қайраткері Алматының жаңа әкімін сынға алды

Мәжілістің экс-депутаты, қоғам қайраткері Мұрат Әбенов Алматы қаласының әкімі Ерболат Досаевты сынға алды.

Әбеновтің айтуынша, Ерболат Досаев әкім ретінде бірінші бейбіт шеру кезінде қаза тапқандардың үйіне барып, көңіл айтуы керек еді. Мұның орнына полициямен кездескені үлкен қателік дейді.

– Адамгершілік қайда? Қаралы Қантар құрбандарына, қақтығыс кезінде бейбіт шеруге шығып қайтыс болғандардың үйлеріне барып, ағайындарына көңіл айтудын орнынаАлматының жаңа әкімі полициямен бірінші кездескені үлкен кателік. Қырық күні өтпей, қайғырып отырған адамдарға жылылық көрсетуге болады ғой алдымен. Ал жаңа әкім өз қызметін полицияға Қантар оқиғасына қатысты алғыс айтқаны мүлдем артық, - деп жазды Әбенов Facebook парақшасында.