Қоңқабаев Қазақстан қоржынына тағы бір қола медаль қосты

Бокстан Қазақстан ұлттық құрамасының капитаны Қамшыбек Коңқабаев Токиода өтіп жатқан Олимпиада ойындарында финалға өте алмай, қола жүлдеге ие болды.

Бұл туралы Orda.kz хабарлайды.

91 келіден жоғары салмақта өнер көрсеткен боксшы жартылай финалда америкалық былғары қолғап шебері Ричард Торреспен шыққан еді. Америкалықтың бағы басым болды.

Бұл осы жылғы олимпиададағы Қазақстанның төртінші қола медалі.

Қамшыбек Күнқабаев - бокстан Олимпиада құрамасының капитаны және ту ұстаушылардың бірі. Спортшы 29 жаста. 91 килограммнан жоғары санатта өнер көрсетеді. Әлем чемпионатының екі дүркін күміс жүлдегері (2017, 2019) және Азия чемпионатының үш дүркін күміс жүлдегері (2017, 2019, 2021). 2020 жылы бірінші ауыр салмақтағы кәсіби рингте дебют жасады. Үш жекпе-жекте Өзбекстан, Украина және Қазақстан спортшыларын үш рет жеңді.