Нығматуллиннің ұлы менің компаниямды тартып алды – кәсіпкер

Бизнесмен Қанат Амиркин Нығматулллинның үлкен ұлы Нұржан Нұрланов өзінің жол салатын ірі компаниясын тартып алғаны туралы  Facebook аккаунтына жариялады, деп хабарлайды Orda.kz.

Бизнесменнің айтуынша, Нұржан Нұрланов өздерінің банкінен (Qazaq Banki) кредит алуға мәжбүрлеген. Алайда банк банкротқа ұшырап Қанат Амиркиннің ақшасы мен кепілге қойған мүлкі далаға кеткен. Оның ішінде ВОАД автожолына арналған жер учаскесі де бар. Бизнесменнің сөзінше, ол жай ғана банк кепілдігіне алданып қалған.

«Ол кезде олар бизнесмендерді түрмеге жабудан тайынбады. «Live-Alibi» хикаясы бәрінің есінде болса керек. Осындай тағдырға ұшырамау үшін маған кетуге тура келді»,  деп мәлімдеді бизнесмен. 

Бизнесмен Нығматуллиннің үлкен ұлы қарызды қолма-қол ақша ретінде беруді талап етті, алайда Амиркин қолма-қол ақшаның жоқ екенін және оған тек 1 млн доллар бергенін түсіндіріп айтқанда, ол ақшаны өзінің жеке банк картасына аударуды талап еткен. Содан кейін бизнесмен оларды кешіргенін де жасырмады.

Мен бұл жағдайды баяғыда ұмытып, оларды кешірдім. Бірақ кейінірек, олар өздері қашып жүргенде, ол Дубайда маған арадағы кикілжіңді ұмытуды ұсынды. Кездесуде оның 7-8 миллион долларға жуық ақша мен көлік алғанын еске салдым. Бұған ол өзіне  жартысы ғана бұйырғанын, ал қалғанын көмекшілері алғанын айтты. 

Амиркиннің сөзінше, Нығматулиннің ұлы салықты өзі төлейтінін айтқан.

Салық органдары менің елден мәжбүрлі түрде кеткенге дейін жиналған салықты менен Нығматулин таңдаған компанияның мүлкі үшін (төлқұжаты бойынша - Нұрланов ) өндіріп алу туралы шешім қабылдағанда, мен оған телефон соқтым. Бұның артық екенін айтып, салықты өздерің жабыңдар дедім. 

Сондай-ақ Нұржан Нұрланов Қанат Амиркинге «Маған бәрібір, мен енді Қазақстанның азаматы емеспін. Өз проблемаларыңмен өзің айналыс» деп жауап қайтарған. Ал Амиркин бұл туралы 2017 жылдан бері үндемегенін, бұл жағдай туралы ешкімге тіс жармағанын айтады. Оның сөзінше, ол Қазақстанда тұратын отбасын уайымдаған.